Ay last episode na pala today ng Family Feud ng GMA 7. Yup, nakatapos na sila ng 13 weeks meaning one season. Tapos na raw ang franchise contract ng programa sa Syete kaya babu na ito sa ere.
Parang nakakapanghinayang dahil mataas ang rating at maganda ang feedback ng show na hino-host ni Edu Manzano. Pero nagdesisyon daw ang management na tapusin na ang programa tutal ay wala na rin sa ere ang Starbox na nauna nang tsinugi at ang Kitchen Superstar na babu na rin sa ere ngayong araw. At least ang Family Feud naramdaman ng bayan, pero ang Kitchen Superstar, hindi gaano ha.
So lalagyan na lang daw ng palabas na pelikula ang nasabing morning slot ng Syete.
Bukod sa Family Feud, nag-last taping na rin daw ang Andres de Saya nina Cesar Montano at Iza Calzado na nakaka-ilang episode pa lang. Balitang ibabalik sa ere ang programang Mind Reader ni Nomer Lasala. Samantalang ang alam ko, mataas ang rating ng premiere episode ng nasabing comedy program tuwing Sabado ng gabi. Sayang tinanggihan pa naman ni Iza ang Sinner or Saint at mas pinili ang Andres de Saya.
May isang programa pa raw na tatapusin na rin sa GMA 7. Hindi na lang maalala ng source ko ang title.
Actually, ganito raw ang sistema ng mga programa sa GMA 7 ngayon. Isang episode lang na bumaba ang rating, ang bilis daw mag-desisyon ng management, papalitan daw agad.
Ang isa pang iniaangal pala ng mga artista sa Kapuso Network ay ang sobrang higpit sa mga artistang may guaranteed contract sa kanila. Once na tumanggi ka raw sa project, minus daw ‘yun sa talent fee mo kahit marami ka nang show at hindi na kakayanin ng katawan ng isang artista.
Ganito rin daw ang sistema sa mga provincial shows. Pag hindi ka raw nakasama sa provincial promo ng programa mo, asahan mong bawas ang talent fee mo. Ganito raw ang nangyari sa isang TV host/actress. Nagulantang daw ang kampo ng actress dahil hindi naman kasama sa kontrata nila ang ganitong agreement pero nabawasan daw ang TF nito nang isnabin ang biyahe sa probinsiya para mag-promote ng kanilang programa.
Super-duper higpit daw ang management ng Kapuso Network ngayon kaya lahat ng staff ng programa ay nagdarasal na mag-rate sila dahil walang kamalay-malay ang mga artista nila, tsugi na pala ang mga programa nila. Walang prior notice, basta sasabihin na lang daw sa artista na babu na ang programa nila.
Good thing may TV5. May napupuntahan ang maraming artista na nawawalan ng trabaho sa GMA 7.
Source: PHILSTAR
Philippine Peso Exchange Rate
